حمل لعبة ستميشن Estimation مع شرح اللعبة

حمل لعبة ستميشن Estimation
لعبة Estimation الشهيره بالشرح للمبتدئين
اقدم لكم لعبة استيميشن Estimation
وهى لعبة كوتشينة مصرية مشهورة جدا و انا كنت بدور عليها من شهرين و
دلوقتى لقيتها و احب اشاركم فيها لانى عارف ان فى ناس كتير بتدور عليها .
و دة اللينك بتاع اللعب [هنا]
و دة شرح بصراحة منقول من موقع تانى

- طبعا هنبدا بترتيب الورق ..

اكبر الارقام من حيث القوه هو الرقم 1 >> اسمه فى اللعبه : ASE .. ااس
ثانى اكبر الارقام // // // // الشايب >> اسمه فى اللعبه : RUAH .. رواه
ثالت اقوى الارقام ........... البنت >> اسمها فى اللعبه : DAMA .. الدامه
رابع اقزى الارقام ........... الولــد >> اسمه فى اللعبه : JACK .. جاك
بعد كده الورق بالتسلسل 10 ثم 9 ثم 8 ... الى اخره



2- ترتيب العلامات من حيث القوه ...

اقوى كلر فى الكوتشينه هو : ( ورقه الشجر ) اسمه SPADE .. سبيد
ثانى // // // // // ( القلب الاحمر ) اسمه HEART .. هارت
ثالث // // // // // ( السمبوكـسا ) اسمها KARO .. كارو
اضعف الكلرات هو ( الورده السودا) اسمها TREFL .. الترفل


*********************

بس و تبدا اللعبه باربع افراد و كل فرد فى اللعبه بياخد 13 ورقه
و اللعبه بكوتشينه واحده و مينفعش 2 ..
و طريقه توزيع الورق .. واحده لكل فرد و وهكذا ..

و كل فرد بيحسب هو هيلم كام لمه على حسب الورق اللى معاه
فلو كان الورق قوى على حسب الشرح اللى فوق فيحسب الورقه دى بلمه


( اللمه ) .. يعنى كل فرد فى اللعبه بيبدا برمى ورقه من ال13 اللى معاه و هكذ
و اكبر ورقه على البيز هى اللى تلم ..
يعنى اكبر ورقه على الارض حسب الشرح اللى فوق هى اللى هتاخد اللمه و يبقى كده لمه


( القطوع ) و ده بينحدد فى اول اللعبه و اللى بيحدده هو الفرد اللى طالب اكترلمات من الافراد ال4
و ده بيكون عباره عن ..
مثل: ا واحد قال 4 هارت ...واحد غيره قال 4 كاروه يبقى كده مثلا لو محدش قال بعده كلام يبقى القطوع كاروه و الشخص ده
هيلم 4 لمات بس ... و يستخدم القطوع فى رميه على الكلر اللى معهوش منه

يعنى مثلا : هو حاسب بينه و بين نفسه انه هيلم 5 لمات منهم 3 معاه و هيقطع على 2 كده ال5

مثلا القطوع كاروه و اتلعب على الارض هارت و الشخص ده معهوش هارت و عايز لمتين
زى محدد مع نفسه و على الارض مرمى ( ASE ) و (4) و (5) هارت و هو رمى كارت
كاروه و لو يكن ( 2) مثلا ......كده اللى رامى كاروه هو اللى ياخد اللمه .
لانه رمى قطوع


( الكول ) : و ده بيتحدد فى اول اللعبه حسب مقلنا و على حسب قوه الورقه اللى مختارها صاحب الكول
و اقل كول يتقال ب4 لمات مينفعش اقل ..
مثال : واحد طلب 6 سبيد مفيش اقوى من الاسبيد يبقى لو واحدعايز مثلا يحدد القظوع هارت
لازم يقول 7 مينفعش 5 او 6 ... يعنى يزيد لمه على اللى طالب الكول لو عايز هو اللى يحدد القطوع


( الرسك ): بعد تحديد الكول .. الفرد اللى على شمال صاحب الكول يبقى هو
الرسك و و بيقول هو هياخد كام لمه اخر واحد عشان يحدد الرسك بتاعه ..و
بياخد ( 10 اسكور ) لو جاب اللمات و ينقصها لو مجبهاش .


( حساب اللمات ) بعد تحديد الكول كل واحد بيقول هو هياخد كام لمه ..
مثلا : واحد طالب 5 هارت .( معنى كلامه هو طالب 5 لمات و القطوع هارت ) .
اللى بعده بيكون اللى على يمينه مينفعش طبعا يطلب 6 لازم يكون اقل من اللى
طلبها صاحب الكول و لو عايز 6 كان يقول من الاول .. مينفعش بعد كده . و و
كل واحد يختار عدد اللمات اللى عايزها ماعدا اخر واحد اللى هو الرسك .. و
بعد كده يجمعوها كلهم و لو عددهم 13 يبقى ملوش رسك و لو عددهم اقل او اكتر
يبقى ليه ريك و يطلب عدد اللمات اللى عايزها لو عدد اللمات اكتر من 13 و و
لو اقل يطلب اللى ميجبش مجموهم 13 .


( الحساب ) .. اللعبه ليها اكتر من طريقه لحسابها ..لكن اللى ن متعود لعب عليها ن و زميلى هو الحساب ده .
و لو مش عجبكم انا عرف حسبات كتير للعبه تانى .


المهم الحساب كلاتى : اللى بيجيب لماته بيخد 10 سكور . و للى ميجبش ينقص عدد للمت بس .
و اللى طالب لكول و جب لماته بياخد 10سكور .. و لو نقص لمات بينقص 10 عدد اللمت للى نقصها .
الرسك : بيخد 10 لو ميد غير 10 لو جب لمته و لو نقص بينقص عدد لمته 10سكور لانه رسك ( الرسك ده بيبقى زى اللى طالب الكول ).